涯名喊做宋仲平，家住五华棉洋人；现居深圳龙华区，涯介职业做工程，为人诚信老实人。
为人诚信老实人，一生奔波闲唔停；抽烟赌博涯唔晓，涯介兴趣酒就行(形)，乒乓篮球常随身。
涯名喊做李春花，五华安流系涯家，虽然已经嫁外地，心中牵挂在客家，全国都系共一家。
全国都系共一家，山歌让我乐开花，天天来把山歌唱，感染老人和细娃，听涯山歌享荣华。
人人喊涯阿宋哥，
社会行行都捞过;
二十零岁出远门，
如今拼搏五十多。
刚刚出远门，
来到观兰河:
担沙公，唔奈何，
背又弯，汗又多:
担沙柬辛苦，
每日做到五吊多:
力气又唔够，
偷懒路边坐，
望着细老妹，
问妹爱哥么。
斜眼看一眼，
骂涯痴新，
你就坏哥摸;
看来今世冇老婆。
有只好心人，
介绍涯落厂做，
来到塑胶厂，
做了一年多;
工作唔轻松，
工资冇吉多。
识只细老妹;
机会又错过，
写信有来往，
冇胆去拍拖:
上班来相遇，
眼拐打好多。
照过相，收杂货;
开过电器修理店。
名叫长乐哥，
办了电车培训班，
全靠崖老婆，
时来又运转，
天天客满冇凳坐，
日子慢慢就好过:
………
岁月洒在鹏城里，
改革有份功唔多;
老人政策好，
天天休闲唱山歌。